मोरङमा शौच गर्न गएकी युवतीमाथि सामूहिक बलात्कार, चार जना पक्राउ

काठमाडौं । मोरङमा २२ वर्षीया महिलामाथि सामूहिक बलात्कार गरेको आरोपमा प्रहरीले चार जनालाई पक्राउ गरेको छ । जिल्लाको जहदा गाउँपालिका–३ खदरा बस्तीकी २२ वर्षीया दलित महिलामाथि सामूहिक बलात्कार भएको हो ।

मंगलबार बिहान शौच गर्न गएकी ती महिला दिउँसो नजिकैको बाँसघारीमा मुखमा कपडा कोचिएको, हातखुट्टा बाँधिएको र अचेत अवस्थामा फेला परेपछि स्थानीयले उद्धार गरेका थिए ।

उद्धारपछि अस्पताल लगिएकी ती महिलाले होसमा आएपछि आफूमाथि अपहरण शैलीमा बाँसघारीमा लगेर सामूहिक बलात्कार गरिएको बताएकी छन् । पीडित महिलाको बयानका आधारमा प्रहरीले चार जना अभियुक्तलाई पक्राउ गरेको छ । प्रहरीले बलात्कार आरोपमा कटहरी गाउँपालिका–२ का १९ वर्षीय मोहम्मद रमजान, १९ वर्षीय सोनुकुमार साह, भारतको अररिया कुशाकट्टाका १९ वर्षीय मोहम्मद गुल्जारलाई पक्राउ गरेको छ ।

बुधबार बिहान थप एक जना अभियुक्त पक्राउ परेको प्रहरीले जनाएको छ ।