वैदेशिक रोजगारीमा जानेको सङ्ख्या १० प्रतिशतले वृद्धि

काठमाडौं । चालु आर्थिक वर्ष २०८१ र ८२ को पहिलो दुई महिना साउन र भदौमा वैदेशिक रोजगारीमा जान श्रम स्वीकृति लिनेको सङ्ख्या एक लाख १७ हजार ६९ जना पुगेको छ । गत आव सो अवधिमा कामको खोजीमा वैदेशिक रोजगारीमा जान श्रम स्वीकृति लिनेको सङ्ख्या एक लाख  छ  हजार ४५९ थियो ।

चालु आर्थिक वर्षमा यो सङ्ख्या एक लाख १७ हजार ६९ पुगेको हो । यो गत वर्षको तुलनामा १० प्रतिशतले बढी हो । वैदेशिक रोजगार विभागका अनुसार यो वर्षको साउन महिनामा ५९ हजार ५७५ र भदौमा ५७ हजार ४९४ जना युवाले श्रम स्वीकृति लिएका छन् ।

कोभिड सङ्क्रमणपछि वैदेशिक रोजगारी जानेको संख्या लगातार उकालो लागेको विभागले जनाएको छ ।