ट्याक्टर दुर्घटना हुँदा दुई जना बेपत्ता

काठमाडौं । बझाङमा आज बिहान ट्याक्टर दुर्घटना भएको छ । दुर्गाथली गाउँपालिको झनाना बजार नजिकै ट्याक्टर दुर्घटना हुँदा सेतीमा खसेर २ जना बेपत्ता भएका जिल्ला प्रहरी कार्यालय बझाङले जनाएको हो ।

पाँच जना सवार ट्याक्टरबाट तीन जना हामफालेर जोगिएका छन् दुई जना ट्याक्टरसँगै सेतीमा खसेको प्रत्यक्षदर्शीले बताएका छन् । हामफाल्दा घाइते भएका तीन जनालाई उपचारका लागि जिल्ला अस्पताल लगिएको छ ।