ममता र मुनापछि अमेरिकामा अर्का एक नेपाली युवक मृत भेटिए

काठमाडाैं । पछिल्लो समय अमेरिकामा एकपछि अर्का नेपाली मृत भेटिन थालेका छन् । ममता काफ्ले र मुना पाण्डेको हत्या भएको चर्चा नसेलाउँदै अमेरिकाको मेरील्यान्डमा अर्का एक नेपाली युवक मृत भेटिएका हुन् ।

पर्वत घर भई अमेरिकाको मेरिल्याण्ड राज्यमा बस्दै आएका ४७ वर्षीय शान्तलाल प्रधान मृत भेटिएका हुन् । सन् २०१५ मा अमेरिका गएका उनी सन् २०२२ मा मेरिल्याण्ड पुगेका थिए ।

उनको शव नेपाल फर्काउने तयारी भइरहेको बताइएको छ । उनको मृत्युको कारण भने पत्ता लागेको छैन ।