सम्बन्धित मन्त्री नगएपछि संसद बैठक स्थगित

काठमाडौं । उठेका प्रश्नको जवाफ दिनुपर्ने सम्बन्धित विभागीय मन्त्री अनुपस्थित भएपछि संसद बैठक स्थगित भएको छ ।

बैठकमा अर्थ, गृह र शिक्षा मन्त्रीसँग प्रश्न–उत्तर गर्ने कार्यसूची भए पनि मन्त्रीहरु अनुपस्थित भएपछि संसद बैठक स्थगित गरिएको हो ।

बैठक सोमबार ११ बजेका लागि बोलाइएको थियो ।

बैठक सुरु भएलगतै नेपाली कांग्रेसका सांसद रामकृष्ण यादवले एकजना पनि मन्त्री उपस्थित नभएको भन्दै प्रश्न उठाएका थिए ।

त्यसपछि सभामुखले १५ मिनेटका लागि बैठक स्थगित गरेका थिए।