बीवाईडीले हिडन ट्रेजरलाई दियो डल्फिन मोडलको विद्युतीय गाडी

काठमाडौं । बीवाईडीले आफ्नो डल्फिन मोडलको विद्युतीय गाडी मिस नेपाल आयोजक द हिडन ट्रेजरलाई प्रदान गरेको छ ।

मंगलबार बीवाईडीको शोरुममा मिस नेपाल आयोजक संस्थाका प्रमुख, निर्देशक र वर्तमान मिस नेपाल आस्माकुमारी केसीलाई गाडी हस्तान्तरण गरिएको थियो ।
गाडी हस्तान्तरणपछि मिस नेपाल केसीले आकर्षक फोटोसुट गराइन् । चारपाँग्रे साभेदार (फोर ह्विल पार्टनर)को रुपमा बीवाईडीले उक्त गाडी द हिडन ट्रेजरलाई प्रदान गरेको निर्देशक प्रमोद कंशाकारले बताए ।

सन् २०२५ को मिस नेपालको संस्करण आगामी बैशाखमा घोषणा गर्ने तयारी छ । द हिडन ट्रेजरले यतिबेला मुलुकको पहिलो फेसन डिजाइनरको प्रतियोगिता ‘डिजाइनर अफ द इयर’ आयोजना गरिरहेको छ ।