काठमाडौं । बीवाईडीको आधिकारिक वितरक साइमेक्स इंक प्रालिले पोखरामा जारी वाडा अटो शो २०२५ मा आकर्षक अफरसहित विद्युतीय सवारीसाधन प्रदर्शन गरेको छ ।
चैत १४ देखि १७ सम्म पोखरा प्रदर्शनी केन्द्रमा सञ्चालन हुने अटो शोमा बीवाईडीले डल्फिन, एट्टो थ्री र एम सिक्स मोडेलका गाडीहरू प्रदर्शनमा राखेको हो । बीवाईडीले अटो शोमा विद्युतीय गाडी किन्ने ग्राहकका लागि सीमित समयका लागि विशेष अफर ल्याएको छ ।
यसअन्तर्गत ग्राहकले २० प्रतिशत डाउन पेमेन्ट, १० वर्ष वा दुई लाख किलोमिटर वारेन्टी, एक वर्ष फ्रि इन्स्योरेन्स, एक वर्ष रोड ट्याक्स कभरेज, आकर्षक नगद छुट, फ्रि एसेसरिज र फ्रि होम चार्जर पाउनेछन् । कम्पनीका अनुसार, बीवाईडी डल्फिन सुरक्षित र स्मार्ट पारिवारिक कारको रूपमा परिचित छ ।
