नेपाल र श्रीलंकाबीचको खेल रद्द, दुवै टोलीले अंक बाँडे

काठमाडौँ । आईसीसी टी–२० विश्वकप क्रिकेटअन्तर्गत बुधबार बिहान हुने भनिएको नेपाल र श्रीलंकाबीचको खेल रद्द भएको छ ।

अमेरिकाको फ्लोरिडास्थित सेन्ट्रल ब्रोवार्ड रिजनल पार्क स्टेडियममा नेपाली समयअनुसार बिहान ५ः१५ बजे सुरु हुनुपर्ने खेल वर्षाका कारण रद्द भएको हो ।

खेल रद्द भएपछि दुवै टोलीले १–१ अंक बटुलेका छन् ।

नेपालले समूह चरणको पहिलो खेलमा नेदरल्यान्ड्ससँग छ विकेटले पराजित भएको थियो भने श्रीलङ्का पहिलो खेलमा दक्षिण अफ्रिकासँग छ विकेट र दोस्रो खेलमा बङ्गलादेशसँग दुई विकेटले पराजित भएको थियो ।